Bunaíodh an scéim Gaelbhratach mar fheagairt ar an ngá atá ann le deiseanna nádúrtha a chruthú chun an Ghaeilge a labhairt taobh amuigh den seomra ranga agus den cheacht Gaeilge féin. Cuireadh tús oifigiúil leis an scéim sa scoilbhliain 2012/13 ag an mbunleibhéal agus bliain níos déanaí ag an iar-bhunleibhéal. Ó shin i leith, tá an scéim i ndiaidh dul i bhfeidhm ar gach saghas scoile ar fud na tíre – ó scoileanna uirbeacha agus tuaithe ina bhfuil gá le beocht a athchur sa teanga iontu, go Gaelscoileanna agus scoileanna Gaeltachta ina bhfuil sí mar phríomhtheanga laethúil.
Tá Gaelbhratach á reáchtáil ag Gael Linn le maoiniú ó: Foras na Gaeilge, An Roinn Oideachais, An Roinn Turasóireachta, Cultúir, Ealaíon, Gaeltachta, Spóirt agus Meán, tríd an Crannchur Náisiúnta agus an Straitéis 20 bliain don Ghaeilge.
